Die mal komplot om die Boer te begin is gesmee deur mede-eienaars Jurgen Human en Margit Meyer-Rödenbeck.

JURGEN, ’n oud-Matie en self erkende blues-junkie, droom al 10 jaar lank om 'n venue oop te maak wat ordentlike "aandete-teater aanbied". Die afgelope 5 jaar het hy die wêreld vol gereis met sy werk as ʼn stelsel- ingenieur in die televisie bedryf. “Eintlik het ek net probeer om soveel as moontlik restaurant-teaters en “blues-clubs” te besoek om my planne vir die Boer te finaliseer”, erken hy.

MARGIT ook ’n oud-Matie, en bekende komediante en televisie persoonlikheid het op haar beurt Suid Afrika platgereis met vertonings van haar alter-ego Dowwe Dolla. Margit, wat ʼn meestersgraad in teaterbestuur het, weet presies hoe moeilik dit is om 'n teater lewensvatbaar te maak. Met “die Boer” sê sy egter, “ek dink ons het die regte konsep beet. Maar ek kan vergeet om so baie te toer as in die verlede. Daarvoor hou die ‘nuwe baba’ my te besig! Dit is ontsaglike harde werk, maar dis ook baie bevredigend.”

Jean Louis Geldenhuys is ons Hoof-Chef op sy skouers rus die taak om die Boer se uiters besige kombuis te bestuur. Soos dit ‘n goeie chef betaam het hy ‘n kalm tipe persoonlikheid wat onder hewige druk kan werk en wat ‘n “heilige vrees” by al wat “waiter” is inboesem wat hulle bestellings “opdonner”

Jean Louis het vir sy “onderhoud” met ons sy nou beroemde warm “chocolate –pudding” gebak. Hy het natuurlik geweet watter effek dit op mense het en ons het basies geen keuse gehad anders as om hom aan te stel nie.

Hy maak egter ook van die beste “stews” wat jy al ooit geproe het en onder sy hande is die seekos wat ons in die restaurant voorsit nou regtig van top standaard.