COENIE DE VILLIERS:  MYNE, JOUNE & ONS S’N

Coenie de Villiers word erken as een van Suid-Afrika se heel beste komponiste en kunstenaars, en dis veral liedjies uit sy pen wat reeds klassieke status bereik het: dink maar aan Karoonag, Daar’s ‘n Plek en Namakwaland.  Maar vir hierdie besondere vertoning is dit Coenie in ‘n ander rat.  Wanneer hy agter die klavier inskuif, speel hy wel van sy eie komposisies, maar dis ‘n repertoire met ‘n kinkel.

Hierdie keer speel hy ook liedjies van ander kunstenaars en laat hulle klink soos net hy kan.  “Ek speel wonderlike komposisies net vir die lekker,” sê hy.  “Dis liedjies deur mense wat ek respekteer en wie se musiek ek geniet.”  Nodeloos om te sê party van die groot liedjieskrywers soos Billy Joel en Bob Dylan se name is daar, maar dis ‘n verrassing om name soos Hunter Kennedy van Fokofpolisiekar en Die Heuwels Fantasties se naam raak te sien.  “’n Goeie liedjie is ‘n goeie liedjie,” meen Coenie.  “Hunter skryf gewoon uitstekende liedjies, en die uitdaging vir my is om te sien watter nuwe klank en interpretasie ek aan ‘n liedjie kan verleen.”

Maar dis nie net Coenie se liedjies en ander komponiste se werk wat in die vertoning vervat is nie.  Coenie speel ook van die komposisies wat hy saam met ander komponiste geskep het.  “Daar is onder andere liedjies wat ek saam met Pieter Dirk Uys, Hennie Aucamp en Lize Beekman geskryf het,” sê hy.  “Soms het ek die musiek geskryf, en soms die lirieke.  Dikwels is dit liedjies wat ek min op die verhoog speel, maar ek hoop en vertrou hulle weerstaan die toets van die tyd!”
Kaartjies is by XXXXX beskikbaar.

Coenie de Villiers

Coenie de Villiers has been described as one of South Africa’s best composers and word-artist and his 11 music albums have received numerous awards.

A part from appearing regularly in South Africa, he has frequent engagements for concerts in Australia, Belgium, Canada, Holland, England, Greece and the United States. Music critics local and abroad have acknowledged him as one of the best musicians in his genre in the world.

He recorded one of his CD’s Amper Alleen in Greece and his latest CD has been nominated as the best album in Afrikaans this year.

Coenie de Villiers het al diep spore in die Suid-Afrikaanse radio- en televisiebedryf getrap. Hy was op verskillende maniere nou betrokke by radiostasies soos RSG, Radio Hoëveld, Radio Oranje en Radio Goeie.

Benewens sy bekendheid as ankeraanbieder van Kwêla, was hy ook al aanbieder op programme soos Graffiti, Carte Blanche en Premiére. In 2002 het hy die toekenning as Beste Onderhoudvoerder op Afrikaanse televisie van die ATKV ontvang.

Hy het gereeld vir De Kat geskryf, en van sy artikels is ook al in INSIG, Sarie en Rooi Rose gepubliseer. In die musiekwêreld is hy eweneens geen onbekende nie: sy albums is al met twee Sarie-toekennings, een SCOTTY-toekenning en een ATKV-toekenning bekroon.

Sy album Zen het die SAMA-toekenning vir die beste kontemporêre album in 2003 gewen, en vir sy album Handgemaak het hy 'n GMT vir die Beste Liedjieskrywer ontvang. Hy het in 2005 'n ATKVeertjie ontvang vir Beste Televisie-aanbieder, en ook vir Beste Onderhoud. Coenie is tans Algemene Bestuurder van ELIANCE COMMUNICATION van die McCarthy Groep.