Sarah Theron

Sarah Theron se splinternuwe CD en konsert, SIT DIE KETEL AAN, gaan haal die verwantskap tussen AFRIKAANS en DIE RITME-&-BLUES van waar hy kom. Die titel SIT DIE KETEL AAN, is juis 'n sêding van haar suster, Johanna, wat gewoonlik laat weet hulle "is om die draai, sit solank die ketel aan." Hierdie musiek is op die tong van die volksmond en uit die hart van 'n Boere-Diva.

Sarah se nuwe songs is die resultaat van trotse samewerking van Suid-Afrika se voorste Afrikaanse liedjieskrywers. Wouter van de Venter, het die ritmiese EK SOEK JOU HIER BY MY geskryf. Daar is werke van Rian Swanepoel (ENGEL Oë), Fredi Nest (MY OUMA SêRA), Johan Groenewald (DIE WINDPOMP), Alistair van Huyssteen (KOM ONS NEUK DIE WêRELD OP) en Andries Botha. Drie nommers het Sarah saam met Andries gepen (DIRKIE, DAAI BLOU KITAAR EN SIT DIE KETEL AAN). Die afgelope maande het Sarah ook al hierdie liedjies gesing as Baby Botha in EGOLI. Met haar rokerige altstem, vleg Sarah prentjies en stories aanmekaar, wat jou laat verlang na dinge lank gelede en mense wat jy nog moet ontmoet!

"Afrikaans klink so lekker as ons dit sing oor die stewige rock & roll blues-vorms van die pioniers van ons musiekwortels. Afrkaans verstaan van stofpaaie en droogtes, hartstogtelike liefde en 'n man wat mooi lyk in sy denimbroek," sê Sarah. "Dis soos om tuisgemaakte vyekonfyt te eet, of patats in die warm as van 'n vuur te bak. Tuis, maar ook baie exiting!

Hierdie Blou-Kontrei-Volks-Ruk-en Rol is deel van wie ons is en deel van ons warm hartklop as Afrikaanses. Ons het die passie, die ritme en die geloof aan ons herkoms. Musiek laat ons opnuut onthou wie en wat ons is.
SIT DIE KETEL AAN. GOOI 'N IETSIE BY VIR DIE PAARTIE. Lekker & gesellig.

• Wanneer Sarah Theron haar mond oopmaak en sing, is dit soos ‘n tsunami van krag wat oor jou spoel. - Lize Beekman, VONK
• Sy sing jou in 'n ander bloedgroep in - Willie Strauss, RAPPORT