ddisselblom

Sewe jaar na ddisselblom se eerste album en drie jaar na die laaste album word donker grond nou bekendgestel. Dit is ddisselblom se derde vollengte CD en in baie opsigte ‘n terugkeer na ddisselblom se ‘musikale wortels’. ‘n Goeie mengsel van liefdesliedjies, komiese lirieke en sosiale kommentaar soos net Johrné, Jaco en Lienka kan optower! Die diversiteit van die album is ‘n getuigskrif van die individuele groei binne die groep.

ddisselblom is...
Johrné van Huyssteen (Stem & Kitaar)
Lienka Coetzee (Stem & Klavier)
Jaco Spies (Stem & Kitaar)

Musikante...
Riaan Diedericks (Tromme)
AJ Hymann (Baskitaar)

ddisselblom hoogepunte

• Gaskunstenaars by die bekendstelling van Aardklop 2001 in Johannesburg
• Gaskunstenaars by die bekendstelling van die Gariepfees 2001 op Kimberley
• Pendoring toekenning 2001 (Geblikte Afrikaans)
• Twee professionele produksies by Aardklop 2001 (uitverkoop)
• CD bekendstelling op Aardklop 2001
• Dorpstraatteater in Stellenbosch is altyd 'n wenner
• Een van net 9 produksies op die 'Kollig op die KKNK Fees' in Durban
• 5 Produksies op KKNK 2002
• 4 Produksies op Aardklop 2002
• Sing vir Koos Kombuis op die Casper Rasper Show 2
• Optrede saam met Stef Bos in die Sand du Plessis teater tydens sy Suid Afrika toer.
• Enigste Suid Afrikaanse kunstenaars wat die geleentheid gehad het.
• Optrede saam met Theuns Jordaan en Karen Zoid by ABSA liefdadigheidkonsert.
• Wenner van 'n Kanna toekenning vir Eietydse Musiek by die KKNK 2003
• Wenner van 2 Geraas Musiek Toekennings: Beste Duo of Groep & Beste Musiekvideo
• 4 produksies op Aardklop 2003, kaartjie verkope spring van 165 in 2002 na 1800 in 2003.
• Oppi-aarde 2003
• Puk Jool 2003 met ‘n gehoor van 7000 en ddisselblom word doodgesing soos hulle saamsing.
• 4 produksies op KKNK 2004
• 3 produksies saam met Koos Kombuis op KKNK 2003 getiteld Kombuisblomme
• Kaktus op die Vlaktes ook saam met Koos op KKNK 2004 - Definitief een van die hoogtepunte van hoogtepunte
• Vertoning op KKNK 2004 oor die musiek van Johannes Kerkorrel saam met Cutt Glass, Steve Hofmeyer, Georgia en DNA Strings. Na die produksie word Georgia, DNA en ddisselblom vir ‘n Kanna genomineer.
• Voorblad van die Insig tydskrif en konstante blootstelling in die media.