As gevolg van die Covid-19 pandemie, is ons vertonings nou aanlyn beskikbaar op ons digitale platform: die Boer "by die huis". Hierdie programme is opgeneem volgens die professionele standaarde wat jy van die Boer sou verwag.

We also do Take - Away meals from Wednesday to Sunday .  See details below


Die Boer by die Huis bied aan: Emma van Heyn | Met Slenterslag na Shanghai- 20 Aug vanaf 19:00 - 25 Aug

Kaartjies Webtickets:  https://www.webtickets.co.za/v2/Event.aspx?itemid=1502564745

Drie honderd en vyftien aande vasgevang agter ’n vleuelklavier. Een van die 2019 Woordfees-juwele “Met Slenterslag Na Shanghai” gaan oor Emma van Heyn se jaarlange ervaring as ’n nuut aangestelde musikant in ’n splinternuwe hotel in die verre noorde van Shanghai, China.
Op die ouderdom van twee- en- twintig lê die wêreld voor haar. Haar natuurlike inskiklikheid lei haar op ’n ontdekkingsreis wat niemand ooit sou verwag het nie - Emma inkluis.

Hierdie is nie slegs ’n musiek-show nie, dis ’n progressiewe storievertelling wat aan jou hart sal ruk. Emma begelei haarself op klavier, sintetiseerders en ander elektroniese elemente wat sy self skep. Daar is ’n perfekte balans van treffers (oud en nuut) en haar oorspronklike musiek waarop sy haar eie, unieke stempel afdruk. Sy transformeer haar musiek om haar unieke styl te komplimenteer. Vervaardig deur Emma van Heyn, regie deur Christine Truter, ontwerp deur Janeske Rademan, tegnies deur Charl van Heyningen.

Wat mense te sê het oor Met Slenterslag in Shanghai:
“Ons het hier te doen met ’n uitsonderlike talent. Haar stem, haar teenwoordigheid op die verhoog, haar eiesoortige skoonheid, haar talent as performer en liedjieskrywer.
Sy is eerlik, rou, skroom nie om haar hart en siel te ontbloot nie. Dit gebeur net so nou en dan, ’n paar keer in jou lewe as jy gelukkig is, dat jy in ’n vertoning van ’n jong kunstenaar is en besef dat jy moontlik die geboorte van ’n groot loopbaan aanskou. Hierdie is een van daardie kere.
Gaan, gaan en beleef Emma van Heyn. Luister wat sy met haar eie musiek en bekende liedjies maak. Wees een van die mense wat eendag kan sê: Ja, ek het haar al in 2019 raakgesien.”
Ilza Roggeband – Die Burger/Netwerk2

“Pas na Emma van Heyn geluister en dis so lank na Lesley Rae Dowling se eerste show die eerste keer dat ek weer voel ek het die fynkrag van ‘n besonder genuanseerde skepvernuf raakgeluister. So lekker. Ek het haar geluister, nie geweet wie dit was nie, en moes als stop en almal stilmaak om te luister. Verfrissend en ongewoon gesofistikeerd in ‘n see van middelmatigheid. ‘n Skaars ervaring van talent, skeppingsvernuf en geslypte werksdissipline wat ‘n mens in jou spore halt.”

 Forgot Password